Имрӯз дар Душанбе дар ҳузури сафири Амрико Кеннет Гросс ва фармондеҳи нирӯҳои марзбонии Тоҷикистон Шералӣ Мирзо расми ифтитоҳи бинои нави омӯзишгоҳи олии марзбонӣ доир шуд. Ин бино бар пояи кӯмаки молии шӯъбаи назорат бар маводи мухаддир ва ҳифзи тартиботи сафорати Амрико тармим шуда, ҳазинаи ин барнома 3 миллиону 200 ҳазор доллар баровард шудааст. Танҳо ин шӯъбаи сафорати Амрико аз соли 1992 ба ин сӯ ба мақомоти интизомии Тоҷикистон ба маблағи 44 миллион доллар кӯмак расондааст.
