Бозиҳои даври 24-уми Лигаи олии футболи Тоҷикистон

Сентябр 17, 2010

Нарзуллоҳи Латиф

Рӯзҳои истироҳат, 18-ум ва 19-уми сентябр, бозиҳои даври 24-уми мусобиқоти қаҳрамонии футболи Тоҷикистон байни дастаҳои лигаи олӣ баргузор мешаванд.

Ду бозии даври навбатӣ 18-уми сентябр барпор мегардад. Дастаи «Истиқлол»-и Душанбе дар майдони худ бо «Вахш»-и Қӯрғонтеппа ва «Регар-ТадАЗ» -и Турсунзода дар меҳмонӣ бо«Энергетик»-и Душанбе қувваозмоӣ мекунанд.

Ду бозии дигар 19-уми сентябр байни дастаҳои ССКА «Помир»-и Душанбе – «Хайр»-и Ваҳдат ва «Парвоз»-и Бобоҷон Ғафуров - «Хуҷанд»-и Хуҷанд баргузор хоҳад шуд.

Ҳоло дар ҷадвали мусобиқот «Истиқлол» бо 50 имтиёз дар ҷои аввал, «Регар-ТадАЗ» бо 49 имтиёз дар ҷои дуввум ва «Хайр» бо 36 имтиёз дар ҷои севум қарор доранд.

Мавқеи дастаҳо дар ҷадвали мусобиқот

Ҷой	Дастаҳо	Б	Ғ	М	Б	Т/T	И
1.	«Истиқлол» (Душанбе)	20	15	5	0	43-10	50
2.	«Регар-ТадАЗ» (Турсунзода)	21	15	4	2	59-13	49
3.	«Хайр» (Ваҳдат)	20	11	3	6	38-24	36
4.	«Вахш» (Қӯрғонтеппа)	20	9	6	5	24-19	33
5.	ССКА«Помир» (Душанбе)	21	7	7	7	22-30	28
6.	«Хуҷанд» (Хуҷанд)	21	6	5	10	29-38	23
7.	«Энергетик» (Душанбе)	20	5	3	12	24-35	18
8.	«Парвоз» (Б.Ғафуров)	20	4	3	13	21-41	15
9.	«Равшан» (Кӯлоб)	21	1	2	18	15-65	5

Нишонзанҳои беҳтарин: Юсуф Рабиев («Истиқлол») – 18 гол, Давронҷон Тухтасунов (ССКА «Помир»/«Регар-ТадАЗ») – 13, Жаилтон Оливейра («Регар-ТадАЗ») – 10, Нӯъмонҷон Ҳакимов «Регар-ТадАЗ/»Вахш») ва Мирзобек Мирзоев («Хайр») – 9-голӣ.