Созмони хайрияи Оксфам ба оғози ҳарчӣ зудтари умури бозсозӣ дар Покистон даъват кардааст, то аз табдили обхезӣ дар ин кишвар ба як фалокати дарозмуддат пешгирӣ шавад. Ин созмон мегӯяд, барои бунёди мактаб, роҳҳо, пул ва бемористонҳои вайроншуда миллиардҳо доллар зарур аст. Оксфам инчунин ҳушдор додааст, ки мумкин аст, кишоварзон имсол кишти тирамоҳиро аз даст диҳанд ва гуфтааст, амалиёти поксозии баъд аз сел моҳҳо идома хоҳад кард. Дар натиҷа мумкин аст, миллионҳо нафар дар фасли сармо бесарпаноҳ бимонанд.
