Ӯ афзуд, ки ин мушкили умумист ва ҳама кишварҳои минтақа бояд онро ҳамроҳ ҳал кунанд. Раҳбари Русия ба мавзӯъи муқовимати муштарак ба терроризму ифротгароӣ низ рӯ овард ва гуфт, ки ба талошҳо дар ин самт арҷ мегузорад, ҳарчанд баъзе масъалаҳои муҳим ва амалӣ дар ин замина иҷронашуда боқӣ мондаанд.
Дмитрий Медведев ишора кард, ки мулоқоти чаҳоргонаи Русия, Тоҷикистон, Афғонистон ва Покистон бори дуввум доир мешавад. Нишасти аввалӣ соли гузашта дар шаҳри Душанбе баргузор шуда буд. Сарвари Русия изҳор намуд, ки нишасти чаҳоргона формати хуби минтақаист ва машваратҳо миёни кишварҳо ҳарчӣ бештар сурат бигиранд, ҳамон қадар беҳтар аст.
Пешниҳоди президенти Тоҷикистон
Эмомалӣ Раҳмон, раисиҷумҳури Тоҷикистон, дар навбати худ пешниҳод намуд, ки як санади муштарак дар марвиди мубориза бо терроризм қабул шавад. Ба гуфтаи ӯ, “чаҳор кишвар дар таъмини амният ва рушди устувор дар минтақа саҳми муҳим доранд”.
Эмомалӣ Раҳомн афзуд, “таҳдиди терроризми байнулмилалӣ аз ҳама кишварҳои олам талошҳои муштаракро талаб дорад”.
Президенти Тоҷикистон пешниҳод намуд, ки “ҷабҳаи дастаҷамъонаи мубориза бо терроризм ва аз байн бурдани омилҳои рушди терроризм таъсис карда шавад".
Эмомалӣ Раҳмон гуфт, сабабҳои пайдо шудани терроризм, барои ҳама маълуманд ва ба фақр, бекорӣ ва дигар мушкилоти иҷтимоӣ бастагӣ доранд.
Қабл аз шурӯъи нишасти “чаҳоргона” Дмитрий Медведев бо раисиҷумҳури Афғонистон Ҳомид Карзай ва президенти Покистон Осиф Алӣ Зардорӣ мулоқот дошт.
Интизор меравад, ки имрӯз дар Сочӣ ӯ бо раисиҷумҳури Тоҷикистон Эмомалӣ Раҳмон ҳам мулоқоти ҷудогона анҷом диҳад.
Мавзӯъи мулоқоти Медведев бо Раҳмон
Сергей Приходко, ёвари раиси ҷумҳури Русия гуфтааст, дар мулоқоти Дмитрий Медведев, раиси ҷумҳури Русия ва Эмомалӣ Раҳмон, раиси ҷумҳури Тоҷикистон вазъи Қирғизистон ба сурати хос, ва авзои минтақа дар маҷмӯъ ва ҳамчунин густариши ҳамкориҳои дуҷонибаи Русияву Тоҷикистон, аз ҷумла дар бахши низомӣ-техникӣ баррасӣ хоҳад шуд.
Приходко гуфтааст, "ба мо арзёбии раиси ҷумҳури Тоҷикистон на танҳо роҷеъ ба Афғонистон, балки роҷеъ ба Қироғизистон низ зарур аст".
Ёвари раиси ҷумҳури Русия афзудааст, "ман фикр мекунам, ки барои президент Медведев нуқтаи назари Раҳмон роҷеъ ба Эрон низ аҳамият дорад".
Дмитрий Медведев ишора кард, ки мулоқоти чаҳоргонаи Русия, Тоҷикистон, Афғонистон ва Покистон бори дуввум доир мешавад. Нишасти аввалӣ соли гузашта дар шаҳри Душанбе баргузор шуда буд. Сарвари Русия изҳор намуд, ки нишасти чаҳоргона формати хуби минтақаист ва машваратҳо миёни кишварҳо ҳарчӣ бештар сурат бигиранд, ҳамон қадар беҳтар аст.
Пешниҳоди президенти Тоҷикистон
Эмомалӣ Раҳмон, раисиҷумҳури Тоҷикистон, дар навбати худ пешниҳод намуд, ки як санади муштарак дар марвиди мубориза бо терроризм қабул шавад. Ба гуфтаи ӯ, “чаҳор кишвар дар таъмини амният ва рушди устувор дар минтақа саҳми муҳим доранд”.
Эмомалӣ Раҳомн афзуд, “таҳдиди терроризми байнулмилалӣ аз ҳама кишварҳои олам талошҳои муштаракро талаб дорад”.
Президенти Тоҷикистон пешниҳод намуд, ки “ҷабҳаи дастаҷамъонаи мубориза бо терроризм ва аз байн бурдани омилҳои рушди терроризм таъсис карда шавад".
Эмомалӣ Раҳмон гуфт, сабабҳои пайдо шудани терроризм, барои ҳама маълуманд ва ба фақр, бекорӣ ва дигар мушкилоти иҷтимоӣ бастагӣ доранд.
Қабл аз шурӯъи нишасти “чаҳоргона” Дмитрий Медведев бо раисиҷумҳури Афғонистон Ҳомид Карзай ва президенти Покистон Осиф Алӣ Зардорӣ мулоқот дошт.
Интизор меравад, ки имрӯз дар Сочӣ ӯ бо раисиҷумҳури Тоҷикистон Эмомалӣ Раҳмон ҳам мулоқоти ҷудогона анҷом диҳад.
Мавзӯъи мулоқоти Медведев бо Раҳмон
Сергей Приходко, ёвари раиси ҷумҳури Русия гуфтааст, дар мулоқоти Дмитрий Медведев, раиси ҷумҳури Русия ва Эмомалӣ Раҳмон, раиси ҷумҳури Тоҷикистон вазъи Қирғизистон ба сурати хос, ва авзои минтақа дар маҷмӯъ ва ҳамчунин густариши ҳамкориҳои дуҷонибаи Русияву Тоҷикистон, аз ҷумла дар бахши низомӣ-техникӣ баррасӣ хоҳад шуд.
Приходко гуфтааст, "ба мо арзёбии раиси ҷумҳури Тоҷикистон на танҳо роҷеъ ба Афғонистон, балки роҷеъ ба Қироғизистон низ зарур аст".
Ёвари раиси ҷумҳури Русия афзудааст, "ман фикр мекунам, ки барои президент Медведев нуқтаи назари Раҳмон роҷеъ ба Эрон низ аҳамият дорад".