Баъд аз 15 соли баҳсҳо, Маҷмаъи умумии СММ қатъномаеро тасвиб кард, ки дастрасӣ ба оби пок ва васоили беҳдоштиро бахше аз ҳуқуқи инсон мешиносад. Ин қарор, ки иҷрояш барои кишварҳо ҳатмӣ нест, аз давлатҳо ва созмонҳои байналмилалӣ даъват мекунад, дар роҳи таъмини дастрасии ҳамагон ба оби пок ба кишварҳои дар ҳоли рушд дасти ёрӣ дароз кунанд. Дар қатънома ин ҳақиқати талх низ дарҷ шуда, ки ҳар сол тақрибан 2 миллион нафар дар ҷаҳон ба иллати оби нопок ва камбуди васоили беҳдоштӣ ба зиндагӣ падруд мегӯянд.
