Даври нави музокироти байни Русияву Гурҷистон ва минтақаҳои ҷудоиталаби Абхозистону Осетияи ҷанубӣ дар Женева бидуни пешрафт анҷом ёфт. Ин музокирот бо миёнҷигии ИА ва САҲА дар пайи ҷанги ду сол пеши Русияву Гурҷистон бар сари ин ду минтақаи ҷудоихоҳи таҳти ҳимояти Русия оғоз шуда, ҳадафаш ҷилавгирӣ аз бурузи дубораи хушунат аст. Пйерр Морел, миёнҷии ИА гуфт, дар Женева кадом наздикие дар дидгоҳи ҷонибҳои дахил дар ин қазия ба даст наомад.
