Як мақоми мухолифони Арманистон гуфтааст, ҳар гуна қатънома дар мавриди муноқишаи Қарабоғи Кӯҳистонӣ роҷеъ ба хуруҷи Арманистон аз ноҳияҳои ишғолии Озарбойҷон сабаби истеъфои Серж Саркисян аз мақоми раёсати ҷумҳурӣ хоҳад шуд. Рубен Ҳакобиян-муовини раиси Ҳизби Жарангутиюн ё Мерос ба бахши армании радиои Озодӣ гуфт, "ҳатто кучактарин тағир дар ҳолати кунунӣ вазъ дар Арманистонро ба таври ҷиддӣ мутташаниҷ хоҳад сохт ва ман фикр мекунам, ки он ба тағири режим сабаб хоҳад шуд".
