Созмони Дидбони ҳуқуқи башар ё Ҳюман райтс вотч мегӯяд, бо вуҷуди ваъдаҳои раисиҷумҳури Сурия, Башор Асад ба таъмини шаффофият ва мардумсолорӣ, дар Сурия "на озодӣ вуҷуд дорад ва на ҳуқуқ". Дидбони ҳуқуқи башар ин гузориши худро ба муносибати даҳумин солгарди ба қудрат расидани Асад ба нашр расондааст. Дар он гуфта мешавад, 10 сол пеш Асад ваъда дода буд, дар кишвар демократия ва озодиву ҳуқуқҳои инсонро таъмин хоҳад кард, вале амалан дар ин давра коре барои ҷой афтодани ин мафҳумҳо накардааст.
