Ба гуфтаи Хушқадам Хушқадамов, роҳбари дастгоҳи раиси вилояти Бадахшон, Мусаллам Анваров дар рӯзҳои ҷашни Ваҳдат ба ноҳияи Дарвоз ба сафари хидматӣ фиристода шуда буд ва мебоист рӯзи 28-уми июн ба кор ҳозир мешуд, вале ӯ то кунун барнагаштааст.
Пас аз муроҷиати хешовандони Мусаллам Анваров, дастгоҳи раёсати вилоят аз раёсати корҳои дохилии Бадахшон хостааст, ӯро ҷустуҷӯ кунанд.
Дар раёсати корҳои дохилии вилоят гуфтанд, ки дар робита ба гумшавии мудири шӯъбаи дастгоҳи раёсати вилоят ба онҳо муроҷиъат кардаанд ва ин ҳодиса таҳқиқ мешавад.
Ривояти шоҳидон
Асрор, бародари Мусаллам Анваров, мегӯяд, бародараш бори охир рӯзи 21-уми июн занг задааст ва пас аз он телефонаш хомӯш гаштааст. Ба гуфтаи Асрор, рӯзи 23-юми июн кормандони телевизиони вилоятӣ бародарашро дар маркази ноҳияи Дарвоз дидаанд, вале аз ба баъд аз вай дигар хабаре нарасидааст.
Ба гуфтаи хабарнигори телевизиони Бадахшон Файзи Мирҳасан, 23-юми июн ҳини бозгашт аз Давроз Мусаллам Анваров хостааст бо кормандони телевизион ба Хоруғ баргардад ва хоҳиш кардааст, ки чанд дақиқа вайро интизор шаванд, то рафта сумкаашро биёрад. Ба гуфтаи журналист, аммо Анваров бедарак шудааст.
Ба гуфтаи роҳбари дастгоҳ, Мусаллам Анваров дар рӯзҳои ҷашн дар манзили як корманди мақомоти ноҳия иқомат доштааст. Аммо соҳибхона гуфтааст, ки пас аз рафтани Анваров дигар ӯро надидааст.
Мусаллам Анваров соҳиби зану фарзанд буда, 60 сол дорад. Дар солҳои бозсозӣ бо назарҳои интиқодияш дар вилоят бо лақаби «Елтсин» машҳур буд. Аммо шомили ягон гурӯҳ набуда, ба ҳайси мутахассиси варзида дар идораҳои оби вилоят ва дигар ниҳодҳо мақомот кор карда, ҳамеша аз мавқеи ҳукумат ҷонибдорӣ менамуд.
Пас аз муроҷиати хешовандони Мусаллам Анваров, дастгоҳи раёсати вилоят аз раёсати корҳои дохилии Бадахшон хостааст, ӯро ҷустуҷӯ кунанд.
Дар раёсати корҳои дохилии вилоят гуфтанд, ки дар робита ба гумшавии мудири шӯъбаи дастгоҳи раёсати вилоят ба онҳо муроҷиъат кардаанд ва ин ҳодиса таҳқиқ мешавад.
Ривояти шоҳидон
Асрор, бародари Мусаллам Анваров, мегӯяд, бародараш бори охир рӯзи 21-уми июн занг задааст ва пас аз он телефонаш хомӯш гаштааст. Ба гуфтаи Асрор, рӯзи 23-юми июн кормандони телевизиони вилоятӣ бародарашро дар маркази ноҳияи Дарвоз дидаанд, вале аз ба баъд аз вай дигар хабаре нарасидааст.
Ба гуфтаи хабарнигори телевизиони Бадахшон Файзи Мирҳасан, 23-юми июн ҳини бозгашт аз Давроз Мусаллам Анваров хостааст бо кормандони телевизион ба Хоруғ баргардад ва хоҳиш кардааст, ки чанд дақиқа вайро интизор шаванд, то рафта сумкаашро биёрад. Ба гуфтаи журналист, аммо Анваров бедарак шудааст.
Ба гуфтаи роҳбари дастгоҳ, Мусаллам Анваров дар рӯзҳои ҷашн дар манзили як корманди мақомоти ноҳия иқомат доштааст. Аммо соҳибхона гуфтааст, ки пас аз рафтани Анваров дигар ӯро надидааст.
Мусаллам Анваров соҳиби зану фарзанд буда, 60 сол дорад. Дар солҳои бозсозӣ бо назарҳои интиқодияш дар вилоят бо лақаби «Елтсин» машҳур буд. Аммо шомили ягон гурӯҳ набуда, ба ҳайси мутахассиси варзида дар идораҳои оби вилоят ва дигар ниҳодҳо мақомот кор карда, ҳамеша аз мавқеи ҳукумат ҷонибдорӣ менамуд.