Нерӯҳои НАТО дар бораи ҳалокати теъдоди зиёди мусаллаҳони “Толибон” ва ба асорат афтодани яке аз фармондеҳони ин ҷунбиш дар ҳамлае ба қароргоҳи ошӯбгарон дар вилояти Ҳилманд хабар доданд. Низомиёни эътилофи байнулмилалӣ ошӯбгаронро дар мавзеъи Боғрон дар иҳота гирифтанд ва задухӯрд ба вуқӯъ пайваст. Дар бораи шумораи дақиқи кушташудагону маҷрӯҳшудагон алҳол иттилое зери даст нест. Як фармондеҳи "Толибон" дар Навзод, дигар мавзеъи Ҳилманд, маҷрӯҳ шуда ба асорат афтод.
