Интизор меравад, ки дар мулоқоти якрӯзаи худ дар Брусел раҳбарони кишварҳои узви Иттиҳодияи Аврупо муқаррароти шадидтари молиро ба тасвиб расонанд. Иттиҳодияи Аврупо умед дорад, ки сарнавишти бӯҳрони қарзи Юнон такрор нашавад. Дар остонаи мулоқоти имрӯзи раҳбарон дар Брусел Испания ва Фаронса ислоҳоти аз лиҳози сиёсӣ ғайримаъмулии кор ва ҳақи бознишастагӣ эълон карданд. Ангела Меркел-нахуствазири Олмон аз ин тағирот дар Испания истиқбол кард. Нахуствазири Португалия гуфт, ки кишвараш ба кӯмаки молӣ ниёз надорад.
