Пайвандҳои дастрасӣ

Тайи рӯзҳои ахир дар нуқтаҳои фурӯши бензин дар Душанбе ҳар литр бензин ба қиммати 4 сомониву 30 дирам фурӯхта мешавад. Ширкати "Газпромнефт-Тоҷикистон", эълон кардааст, ки қиммати бензин ба далели ҷорӣ шудани пардохти содиротӣ дар Русия боло рафтааст.

Гуфта мешавад дар бархе аз нуқтаҳои фурӯши сӯзишворӣ дар Душанбе ва атрофи он, нархи 1 литр бензин ҳатто ба 4 сомониву 40 ё 50 дирам низ расидааст.

"Газпромнефт-Тоҷикистон" дар баёнияи худ гуфтааст, азбаски ҳукумати Федерасюни Русия пардохт аз содироти маводи сӯхти содиршавандаро моҳ ба моҳ ва бо назардошти нархҳои ҷаҳонӣ тағйир хоҳад дод, нархи бензин дар Тоҷикистон ба сурати умум 93 дирам афзоиш хоҳад ёфт.

Ҳукумати Русия пардохти навро дар аввали моҳи май ҷорӣ карда буд, ки сабаби ҷаҳиши нархи бензин дар Тоҷикистон шудааст.

260 вагони дар банди бензин

Ширкати "Газпромнефт - Тоҷикистон" ҳамчунин гуфтааст, ки дар ҳоли ҳозир 260 вагони ҳомили бензин ва анвоъи дигари сӯзишвории ин ширкат дар қаламрави Узбакистон дар банд модааст. Бино бар ин ба гуфтаи масъулини ширкати "Газпромнефт - Тоҷикистон" ин ширкат маҷбур шудааст, то кунун ба далели нарасидани ин вагонҳо ба ҳамкорони худ, ки созишнома бо онҳоро натавонистааст иҷро намояд, ҳудуди 1 миллиону 300 ҳазор доллар ҷарима пардохт кунад.

Аммо дар ҳоли ҳозир ба гуфтаи масъулини ин ширкат тавқифи вагонҳо дар Узбакистон боиси боло рафтани қиммати бензин дар Тоҷикистон нашудааст. Балки ширкатҳои воридкунанда ва давлат аз ҳисоби захираҳои эҳтиётӣ то кунун тавонистаанд, қиммати бензинро дар як мизон ҳифз кунанд.

"Газпромнефт-Тоҷикистон" умдатарин ширкати воридкунандаи бензин ба Тоҷикистон мебошад, ки бештар аз 60 дар сади бозори маводи сӯхт дар кишварро дар ихтиёр дорад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG