Пайвандҳои дастрасӣ

Дастаи мунтахаби гуштии самбои Тоҷикистон барои ширкат дар мусобиқаи қаҳрамонии Осиё 1-уми июн ба пойтахти Узбакистон – шаҳри Тошканд сафар кард.

Маҳмуди Абдулло, дабири кулли Федеросиюни гуштии самбои Тоҷикистон, ба радиои Озодӣ гуфт: «Ба ҳайати дастаи мунтахаби кишвар беш аз 30 нафар дохиланд, ки байни онҳо паҳлавонони маъруфи тоҷик, ғолибони сабқати қитъавӣ Набимуҳаммад Хоркашев ва Акмолиддин Каримов ҳастанд. Инчунин дар ин мусобиқа занон низ қувваозмоӣ хоҳанд кард. Шарафи Тоҷикистонро, аз ҷумла, гуштигирони моҳир Дилбар Султонова ва Мадина Шамсиева ҳимоя мекунанд».

Дастаи мунтахаби Тоҷикистон дар сабқати қитъавӣ байни мардону занон ва навҷавонон, ки дар шаҳри Тошканд аз 2-юм то 4-уми июн баргузор мешавад, таҳти раҳбарии мураббиёни варзида Маҳмадшариф Сулаймонов ва Давлат Раҳимов ширкат хоҳанд кард.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG