Пайвандҳои дастрасӣ

Баста будани марзи миёни Қазоқистону Қирғизистон бозори Дордой дар Бишкекро, ки аз бузургтарин бозорҳои Осиёи Марказӣ маҳсуб мегардад, ба мушкил гирифтор кардааст.

Аксари харидорони яклухти ин бозор аз Қазоқистон будаанд ва ҳамакнун бо баста будани марз онҳо дигар ба ин бозор намеоянд ва соҳибкорони зиёде дарҳои дӯконҳои худро қулф заанд.

Бо вуҷуди ризоияти миёни раҳбари Қазоқистон Нурсултон Назарбоев ва раҳбари ҳукумати муваққати Қирғизистон Роза Отунбоева, марзи байни ду кишвар ҳамоно баста боқӣ мемонад.

Гузаргоҳҳои марзӣ бо дастури ҳукумати Қазоқистон бештар аз як моҳ қабл рӯзи 7-уми апрел ва бо мақсади ҷилавгирӣ аз интиқоли силоҳ баста шудаанд.

Дар ҳоле ки президенти Қазоқистон дар сӯҳбат бо раҳбари ҳукумати муваққати Қирғизистон Отунбоева ваъдаи боз кардани гузаргоҳҳоро додааст, намояндагони расмии Бишкек мегӯянд, то имрӯз марз бастааст.

Қазоқистон барои Қирғизистон роҳи аслии додугирифт бо кишварҳои Муштаракулманофеъ ва ҷаҳон маҳсуб мешавад ва бардавом баста шудани он мақомоти Бишкекро нигарон кардааст.

Видеои мазкур дарҳои бастаи дӯконҳои Дордой, яке аз бузургтарин бозорҳои Осиёи Марказиро нишон медиҳад, ки сабабаш ҳам боз набудани марз бо Қазоқистон мебошад.







Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG