Вазири дифои Эрон Аҳмад Ваҳидӣ, ки дар Душанбе бо раисиҷумҳури Тоҷикистон Эмомалӣ Раҳмон ва дигар мақомоти баландпояи ин кишвар мулоқот кард, мегӯяд, Эрон омодааст, дар коҳиши шиддати муносибатҳои Тоҷикистон ва ҳамсояи он Узбакистон миёнаравӣ кунад. Ваҳидӣ тарҳи бунёди нерӯгоҳи барқи обии Роғунро мояи ин шиддат номид ва гуфт, Тоҷикистону Узбакистон бояд ба беҳбуди равобит талош кунанд.