Бино ба иттилоъи хабаргузории расмии “Ховар”, дар ҷаласаи ҳайъати мушовараи Кумитаи амнияти миллии Тоҷикистон, масоили амнияти миллӣ, аз ҷумла ҳифзи муносиби марз ва иншооти муҳими стротегиро баррасӣ кардаанд. Дар хабар омадааст, нишасти мазкур, охири ҳафтаи гузашта баргузор шуда ва дар он ҳамчунин масъалаи тақвияти ҳамкориҳои кумитаи амнияти миллӣ бо дигар мақомоти ҳифзи ҳуқуқ ва ниҳодҳои қудратӣ мавриди баррасӣ қарор гирифтааст.
