Тавре, ки раёсати корҳои дохилаи вилояти Суғд ба матбуот хабар додааст, ду рӯзи пеш дар ноҳияи Ғончӣ дар натиҷаи садамаи нақлиётӣ 6 нафар кушта шудаанд. Тақрибан соати 8-и шом Идиёр Бердиёров-ронандаи 27-сола дар километри 256-ӯми роҳи автомобилрави Душанбе-Хуҷанд-Чаноқ натавонистааст мошинро идора кунад ва бо автомашинаи КАМАЗ сар ба сар задааст. Дар натиҷа ронандаи автомашинаи сабукрав ва панҷ нафар ҳамроҳонаш кушта шудаанд.
