Сӯҳбати он-лайн бо Маликшо Неъматов

Ҳамчунин, дар як сӯҳбати мухтасари видеоӣ ҷаноби Неъматов ба чанд суол ҷавоб дод. Суоли нахустине, ки аз ӯ пурсида шуд, дар бораи Рустами Эмомалӣ, фарзанди раисҷумҳур ва муовини Маликшо Неъматов дар Иттиҳоди ҷавонони Тоҷикистон буд. Дар посух ба ин суол ҷаноби Неъматов гуфт, «Рустами Эмомалӣ дар замоне ба воя расидааст, ки падари арҷмандаш миллатро аз вартаи парешонию дармондагӣ раҳо бахшида, ба Тоҷикистони азиз сулҳу ваҳдат ва зиндагии осоишта фароҳам овардааст. Ӯ шоҳиди ҳамаи он сӯхтанҳо ва сохтанҳост.... Фаъолияти ӯ дар Иттифоқи ҷавонони Тоҷикистон ҷамъиятӣ мебошад ва дар як муддати кӯтоҳ бо кӯмаку мусоидати Рустами Эмомалӣ аллакай корҳои муайяне анҷом дода шуданд. Рустами Эмомалӣ аввали корашро бо аёдати иштирокчиёни ҶБВ шурӯъ карда, бо ҷалби сарпарастон ба 50 оилаи ветеранҳо маводи ғизоӣ кӯмак бурд.»




Дар посух ба суолҳо дар мавриди рушди соҳаи туризм ӯ гуфт, дар ҳамин рӯзҳое, ки суолҳо унвонии ӯ дар торнамои Озодӣ нашр мешуданд, дар як намоишгоҳи байнулмилалӣ дар Олмон буд ва талош мекард, то сайёҳони аврупоиро ба Тоҷикистон ҷалб бикунад.

ПОСУХҲОИ МАЛИКШО НЕЪМАТОВ БА СУОЛҲОИ ХОНАНДАГОН

Аз ҷумлаи суолҳое, ки аз Маликшоҳ Неъматов карда буданд, дар бораи он буд, ки чӣ гуна бо тахассуси шарқшиносӣ дар чанд ниҳоди варзишӣ фаъолият мекунад ва дар тӯли фаъолияташ ҳам чӣ дастовардҳое дар ин ниҳодҳо шудааст. Ӯ феҳрасти медалҳои ба дастовардаи варзишгарони тоҷикро ба хонандагон пешниҳод намуд: