Тасвиби тарҳи бунёди манозили нав дар Байтулмуқаддаси шарқӣ аз сӯи Исроил мавҷи интиқодҳои байналмилалиро ба бор овард. Амрико, Русия, СММ ва ИА – ҳамаи 4 узви “чоргонаи сулҳи Ховари Миёна” - гуфтанд, ки иқдомоти якҷониба – чӣ аз сӯи Исроил ва чӣ аз ҷониби фаластиниҳо – набояд ба натоиҷи музокироти сулҳ таъсир гузорад. Вазири хориҷаи Амрико Ҳилларӣ Клинтон ба сарвазири Исроил Бенямин Нетаняҳу гуфтааст, ки давлати ӯ бо ин иқдомаш “як паёми хеле манфӣ” фиристод. Исроил барномаи бунёди 1600 манзил дар Байтулмуқаддаси шарқиро рӯзи сешанбе тасвиб кард.