Сафорати Иёлоти Муттаҳида дар Бишкек мегӯяд, Амрико мақсад надорад дар ҷануби Қирғизистон пойгоҳи ҳарбӣ бунёд кунад ва Маркази тамрини зидди террор, ки мехоҳад дар вилояти Бодканд таъсис диҳад, ба худи Қирғизистон тааллуқ хоҳад дошт. Дар изҳороти сафорат гуфта мешавад, Иёлоти Муттаҳида бо дархости ҳукумати Қирғизистон ба бунёди ин марказ дар ҳаҷми 5,5 миллион доллар кӯмак мекунад, аммо ҳадаф надорад, аз он истифода намояд.
