Пайвандҳои дастрасӣ

Баҳси номзадҳои ҲХДТ ва ҲНИТ дар Ҷиргатол


Номзади Ҳизби халқӣ-демократӣ дар Ҷиргатол бо эътироз аз пирӯзии намояндаи Ҳизби наҳзати исломӣ хостори баргузории интихоботи такрорӣ дар ин ноҳия шудааст.

Мирзовалӣ Рӯзиев, номзади ҲХДТ ба вакилии маҷлиси ноҳияи Ҷиргатол, мегӯяд, овозҳое, ки рақиби ӯ аз Ҳизби наҳзати исломӣ Муҳаммаддовуд Ҳасанов ба даст овардааст, «тақаллубӣ аст».

Вай афзуд, натиҷаи расмии интихобот ҳамагӣ бо бартарии 13 овоз бар нафъи рақиби ӯ будааст ва ин дар ҳоле, ки ба гуфтаи ӯ, бисёре аз ҷонибдорони номзади ҲНИТ аз номи аҳли хонаводаи худ раъй додаанд.

Аммо Муҳаммаддовуд Ҳасанов, раиси бахши наҳиявии ҲНИТ ва номзад ин ҳизб дар интихобот, иддаоҳои ҷаноби Рӯзиевро «бепоя ва беасос» медонад. Вай мегӯяд, баръакс рақибаш аз ҳама имконоти мавҷуда истифода кардааст.

Вале бо ин ҳама, Муҳаммаддовуд Ҳасанов мегӯяд, дар сурати баргузор шудани интихоботи такрорӣ ба пирӯзии дубораи худ бовар дорад.

Дар ҳамин ҳол Аъзамҷон Аброров, раиси камисюни ноҳиявии интихобот дар Ҷиргатол ба радиои Озодӣ гуфт, Мирзовалӣ Рӯзиев ба камисюн аризаи шикоятӣ ирсол кардааст, вале шикоятҳои ӯ тасдиқ нашудаанд.

Ин барои аввалин бор аст, ки як намояндаи ҳизби ҳоким дар минтақа бо нишони эътироз аз пирӯзии номзади Ҳизби наҳзати исломӣ ба камисюни интихоботӣ шикоят мебарад.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG