Дирӯз дар ҷануби Афғонистон боз ду сарбози хориҷӣ кушта шуданд. НАТО мегӯяд, ин ду сарбоз бар асари таркиши бомб ҷони худро аз даст доданд ва ҳалокати онҳо бо амалиёти густардае, ки дар ин минтақа ба роҳ андохтаанд, рабте надорад. Аз рӯзи 13 феврал ба ин сӯ ҳудуди 15 000 сарбоз, бо шумули 4400 сарбози Урдуи давлатии Афғонистон дар вилояти Ҳилманд амалиёти густардаеро алайҳи ҷангиёни толиб пеш мебаранд. То кунун дар ҷараёни ин амалиёт 13 сарбози хориҷӣ кушта шудаанд.
