Кормандони Оҷонси мубориза бо қочоқи маводди мухаддир як гурӯҳи муташаккили байналмилалиро ошкор ва беш аз 43 килограм маводи нашъаоварро мусодира кардаанд. Саъдулло Раҳматуллоев, масъули ин оҷонс, дар сӯҳбат бо радиои Озодӣ гуфт, ин гурӯҳ муддати тӯлонӣ ба интиқоли ғайриқонунии маводди мухаддир аз Афғонистон ба Тоҷикистон ва баъдан ба дигар кишварҳои Осиёи Марказӣ ва Русия машғул буд. Ба гуфтаи ӯ, дар натиҷаи амалиёти тӯлонӣ раҳбари ин гурӯҳ, ки шаҳрванди Афғонистон аст, бо 43 килограм мухаддирот дар ноҳияи Ҳамадонии вилояти Хатлон дастгир шудааст. Дар ин робита парвандаи чиноӣ ифтитоҳ шудааст ва аъзоёни дигари гурӯҳи муташаккил ҷустуҷӯ мешаванд.
