Бар асари як таркиш дар шаҳри Тикрит, зодгоҳи Саддом Ҳусейн, ҳашт нафар кушта ва ҳафт нафари дигар маҷрӯҳ шуданд. Дар ин ҳамла раиси бахши мубориза бо терроризми полиси вилояти Салоҳиддин Аҳмад ал-Фаҳал ва ду муҳофизи ӯ низ ба ҳалокат расидаанд. Ба иттилоъи хабаргузориҳо, як маргталаб худро дар дукони ҷавоҳирфурӯшӣ дар ҳоле инфиҷор кард, ки Ал-Фаҳал ва муҳофизонаш вориди ин дукон шуданд.
