Пайвандҳои дастрасӣ

Инфиҷори автобуси зоирони Эрон дар Сурия


Таркиш дар автобуси зоирони эронӣ дар канори шаҳри Димишқ се нафарро кушта ва даҳҳо нафарро захмӣ кардааст.

Бино ба гузоришҳо, ин автобус зоирони эрониро ба зиёратгоҳе ба пойтахти Сурия мебурдааст. Дар автобуc панҷоҳ мусофир будаанд.

Автобус ҳангоми гирифтани бензин аз як бензинфурӯшӣ дар наздикии зиёратгоҳе дар Сурия мунфаҷир шудааст. Инфиҷор дар маҳалли наздик ба яке аз муқаддасоти шиаҳо рух додааст, ҷое ки зоирони эронӣ зуд-зуд ба зиёрат меомадаанд. Дар ин маҳал ироқиёни зиёд низ ба сар мебурдаанд.

Феълан, маҳалли таркиш аз сӯи хадамоти амнияти Сурия иҳота шудааст. Саид Муҳаммад Саммур – вазири умури дохилаи Сурия, гуфт, таркиш амали терористӣ набуда ва бар асари инфирҷори чархи автобус ба вуқӯъ пайвастааст. Пеш аз ин гузориш мешуд, ки дар автобус бомб таркидааст.

Таркиш дар замоне ба вуқӯъ пайваст, ки Сайид Ҷалилӣ, дабири Шӯрои амнияти миллӣ ва музокиракунандаи аршади атомии Эрон, ба Димишқ сафар кардааст.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG