Намояндаи дар гузашта баландпояи Канада дар Афғонистон гуфт, сарусадоҳо дар бораи бадрафторӣ дар зиндонҳои Афғонистон дар соли 2006, замоне ки низомиёни Канада боздоштшудагонро ба мақомоти амниятии афғон месупурданд, маълум буд. Девид Малронӣ, раҳбари собиқи бахши Афғонистон дар вазорати умури хориҷии Канада, дар ҷараёни бозрасии парлумонӣ гуфт, ки Канада чорае ба ҷуз аз супурдани маҳбусон надошт, чунки тибқи созишномаи имзошуда бо мақомоти Афғонистон мулзам буд, ки афроди боздоштшударо ба мақомоти Кобул таҳвил диҳад.
