Созмони Милал мегӯяд, дар нишасти муҳими марбут ба тағйири иқлим дар Копенгаҳен дар моҳи декабр наздик ба 40 сарвари давлат ширкат хоҳанд кард. Раҳбари ин барнома дар Созмони Милал, Иво де Боер ба хабарнигорон дар ҳошияи нишасти ҳифзи муҳити зист дар Барселона гуфт, кишварҳои ҳам шимоли рушдкарда ва ҳам ҷануби дар ҳоли рушд дар ҷаласаи муҳими Копенгаҳен ширкат хоҳанд кард.
