Пайвандҳои дастрасӣ

Бар асари тармарезӣ дар минтақаи ағбаи Анзоби шоҳроҳи Душанбе-Хуҷанд 20 мошини боркаш ва 3 мошини сабукрав бо мусофирон дар банди тарма мондаанд.

Бино ба иттилои хабарнигори радиои Озодӣ дар минтақа, шоҳроҳи Душанбе-Хуҷанд рӯзи дуввум аст, ки баста ва убуру мурури нақлиёт қатъ шудааст.

Анзур Раҷабов, нозири нақлиёт дар водии Зарафшон, ки дар ҷои ҳодиса қарор доштааст, ба радиои Озодӣ гуфт, дар пайи тармарезӣ, ки дар се минтақаи ағба рух додааст, касе аз мусофирон зарар надидааст.

Вай афзуд, бо вуҷуди он ки роҳсозони ноҳияи Айнӣ ба кушодани роҳи бандшуда машғуланд, аммо гумон аст, ки бидуни кумак аз маркази кишвар роҳ боз шавад.

Ин дар ҳолест, ки ба гуфтаи ронандагон, айни замон ҳудуди ҳазор мошини боркашу сабукрав аз ду ҷониби ағба мунтазири бозшавии роҳ будаанд.

Тунели Анзоб низ тайи се моҳ аст, ки баста аст ва таъмир мешавад.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG