Ҳавопаймоҳои Исроил субҳи шанбе дар посух ба мушкандозиҳои фаластиниён ба чанд ҳадаф дар Навори Ғазза, ки таҳти идораи созмони Ҳамос аст, мушак андохтаанд. Артиши Исроил гуфт, ба як бинои маҳалли тавлиди мушакҳо дар наздикии Навори Ғазза ва ҳамчунин ду туннел барои қочоқ мушак андохтааст. Пештар аз ин дар рӯзи ҷумъа, фаластиниён ба шимоли Исроил бо мушак ва минамёт ҳамла кардаанд, ки қурбоние дар пай надоштааст.
