Пайвандҳои дастрасӣ

Радиои Озодӣ аз ҳаёти муҳоҷирони тоҷик филми мустанади "Қатори Душанбе--Маскав"-ро ба навор бардошт.

Ин филм аз сарнавишти 4 муҳоҷири тоҷик қисса мекунад, ки дар як рӯз дар қатори роҳи оҳани Душанбе -- Маскав ба Русия сафар мекунанд. Муаллифи филм Мӯъмин Шокиров ва наворбардор Александр Кулигин ин сафарро лаҳза ба лаҳза рӯи навор овардаанд.

Дар қисми аввали филм бинанда бо ду қаҳрамони асосӣ -- Муҳаммадалӣ Алии 57-сола ва Ҷамшед Набиеви 40-сола шинос мешавад ва ҳамзамон дар бораи муҳоҷирати тоҷикон ба Русия аз тариқи роҳи оҳани Душанбе -- Маскав иттилоъ мегирад. Дар филм инчунин саҳнаҳое аз зиндагии хонаводаҳои тоҷик ба намоиш меояд. Қисмҳои баъдии филм батадриҷ дар ҳамин сомона нашр хоҳанд шуд.

Аз Шумо дархост мешавад, бо тамошои филми "Қатори Душанбе--Маскав" фикру мулоҳизаи худро ба мо бинависед ва агар дар тақдири Шумо ҳам муҳоҷират насиба гашта буд ва хотираҳое аз сафари худ доред, бо мо дар миён бигузоред. Кӣ медонад, шояд саргузаштҳои Шумо заминаи филмҳои нави мо шаванд.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG