Мақомоти Филлиппин мегӯянд, бар асари ғарқ шудани як пароми мусофирбар дар ҷануби ин кишвар дастикам 5 нафар ҳалок шуда ва ҳудуди 60 тани дигар беномунишон шудаанд. Киштиҳову қаиқҳои ба кӯмаки ин паром расида тавонистаанд тақрибан 900 тан аз сарнишинонашро наҷот диҳанд. Вазири дифоъи Филлиппин Ҷилберт Теодоро гуфт, таҳқиқи қазия ба хотири маълум кардани иллати сониҳаи паром шурӯъ шудааст.
