Дар водии Свот, воқеъ дар шимолу ғарби Покистон, бар асари ҳамлаи маргталабона 14 корманди навхати полис кушта шудаанд. Ба иттилоъи расмӣ, як маргталаб ба қароргоҳи полис ворид шуда, худро инфиҷор кард. Низомиёни покистонӣ ҳафтаҳои ахир чандин бор изҳор намуданд, ки нерӯҳои "Толибон"-ро дар водии Свот саркӯб кардаанд ва назорати комили минтақаро дар ихтиёр доранд.
