Габриела Шалев - намояндаи Исроил дар Созмони Милал, рӯзи сешанбе гуфт, эҳтимолан моҳи оянда мулоқоти сеҷонибаи Барак Обама раиси ҷумҳури Амрико, бо Бенямин Нетаняҳу нахуствазири Исроил ва Маҳмуд Аббос – раиси ҷумҳури фаластиниён, дар шаҳри Ню-Йорк сурат мегирад. Вай дар ин бора ҷузъиёти бештаре ироа накард, аммо як мақоми исроилӣ ба хабаргузории "Франс Пресс" гуфтааст, талошҳо барои баргузор кардани чунин мулоқот дар ҳошияи нишасти Маҷмаъи кулли Созмони Милал идома дорад.
