Раъйдиҳӣ дар интихоботи раисиҷумҳур ва шӯроҳои вилоятии Афғонистон пас аз тамдиди яксоата ва дар ҳоли идомаи расидани раъйдиҳандагон хотима дода шуд. Тибқи хабарҳо дар бархе аз ҳавзаҳо ба раъйдиҳандагон имкон дода мешавад, ки аз ҳаққи худ истифода кунанд. Полис ва мақомоти дигар мегӯянд, раъйдиҳӣ ба таври осоишта ҷараён гирифт, вале ҳанӯз сатҳи ширкати интихобкунандагон маълум нест. Дабири кулли Паймони Атлантики Шимолӣ, Андерс Фоғ Расмуссен низ гуфт, интихобот хеле рӯҳбаландкунанда буд. Вай афзуд, аз тарҳи аввалия дида ҳавзаҳои бештари интихоботӣ боз шуданд.
