Барои аввалин бор созмони Фатҳи раҳбари фаластинӣ Маҳмуд Аббос як яҳудии исроилиро ба ниҳоди ҳокими ин созмон интихоб намуд. Урӣ Дейвис устоди ҷомеашинос дар донишгоҳи ал-Қудс буда, акнун узви Шӯрои инқилобии созмони Фатҳ низ шудааст. Дар солҳои шастуми қарни гузашта Дейвис бар муқобили ишғоли замини фаластиниҳо садо баланд карда буд. Ӯ дар соли 1984 ба Фатҳ шомил шуд. Бар пояи натиҷаҳои интихоботи Шӯрои инқилобии Фатҳ, ки имрӯз нашр шудаанд, чор насронӣ ҳам соҳиби курсӣ дар Шӯрои инқилобии ҷумбиши ҳокими фаластиниҳо гардидаанд