Мақомоти низомии Афғонистон ва Амрико мегӯянд, дар як ҳамлаи мушакӣ ба пойгоҳи аслии низомиёни Амрико дар Афғонистон 2 низомии Амрико кушта, 6 нафар захмӣ шудаанд. Хонум Кристина Сиденстрике-сухангӯи низомиёни Амрико ба хабаргузории Ассошиейтед Прресс гуфтааст, аз 6 нафари захмиён 4 нафар низомӣ ва ду нафар ғайринизомӣ мебошанд. Кабир Аҳмад-раиси пойгоҳи Багром аз ҷониби ҳукумати Афғонистон гуфт, субҳи рӯзи якшанбе ба сӯи ин пойгоҳ ду мушак партоб шудааст. Ҳадс зада мешавад, ки ин ҳамларо афроди Толибон анҷом додаанд.