Пайвандҳои дастрасӣ

«Барселона»-и Испания ғолиби Лигаи қаҳрамонони футболи Аврупо-2009 гардид.

Ин даста 27-уми май дар бозии ниҳоӣ, ки дар варзишгоҳи «Олимпико»-и пойтахти Италия - шаҳри Рим баргузор шуд, дастаи «Манчестер Юнайтед»-и Инглистонро бо ҳисоби 2:0 шикаст дод.

Голҳоро Самуэл Это’О-и камерунӣ дар нимаи аввали бозӣ, дар дақиқаи 10-ум ва Лионел Мессии аргентинӣ дар нимаи дуввум, дар дақиқаи 71-ум ба самар расонданд. Месси, ки 9 гол задааст, беҳтарин бозигари Лигаи қаҳрамонон эътироф шуд.

Бад-ин тартиб «Барселона» барои бори севум барандаи Ҷоми қаҳрамонони Аврупо гардид. Пеш аз ин «Барселона» ду бор - солҳои 1992 ва 2006 - Ҷоми қаҳрамонони Аврупоро ба даст оварда буд.

Бояд гуфт, ки шогирдони Гвардиола, инчунин, ба унвони қаҳрамони Испания даст ёфта, соҳиби Ҷоми ин кишвар шуданд.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG