Шӯрои Иттиҳодияи Аврупо бо нашри эъломияе аз мақомоти Эрон хост, ки фаъолиятҳои машрӯъи мазҳабиро дар саросари ин кишвар таъқиб накунанд. Иттиҳодияи Аврупо ба вижа таъқиби пайравони мазҳаби масеҳиро дар Ҷумҳурии Исломӣ маҳкум кардааст. Инчунин дар эъломияи ин ниҳоди аврупоӣ аз сарнавишти ҳафт пайрави дини баҳоӣ, ки як сол мешавад дар зиндон ба сар бурда дар муқобили айбномаи хеле ҷиддӣ қарор доранд, изҳори нигаронӣ мешавад.
