Иёлоти Муттаҳида мегӯяд, коршиносони он ва нозирони Бунгоҳи байнулмилалии нерӯи ҳастаӣ аз Кореяи Шимолӣ ронда шудаанд. Роберт Вуд, сухангӯи вазорати умури хориҷии Амрико мегӯяд, ин як қадаме ба ақиб буда, сабаби инзивои бештари Кореяи Шимолӣ хоҳад шуд."Ин қадаме ба ақиб аст. Мо мусалламан аз ин нигаронем. Аммо агар Кореяи Шимолӣ чунин тасмим мегирад, бояд оқибаташро ҳам фикр кунад. Онҳо фақат инзивои бештар аз ҷомеаи байнулмилалииро ба сари худ меоранд."
Тасмими Кореяи Шимолӣ дар посух ба изҳороти Шӯрои Амният гирифта шудааст, ки партоби мушаки дурпарвози Пхенянро маҳкум кард.
Тасмими Кореяи Шимолӣ дар посух ба изҳороти Шӯрои Амният гирифта шудааст, ки партоби мушаки дурпарвози Пхенянро маҳкум кард.
