Раисиҷумҳури Иёлоти Муттаҳида, Барак Обама,мегӯяд, бовар дорад, ки талошҳои ҳукумати Амрико ба эҳёи иқтисодиёти кишвар аломатҳои пешрафт нишон медиҳанд. Аммо ӯ ҳушдор дод, ки соли 2009 дар пасманзари талошҳои ҷаҳон барои раҳоӣ аз сахттарин бӯҳрони даҳсолаҳои ахир ҳамоно мушкил боқӣ мемонад. Раиси Бонки марказии Иёлоти Муттаҳида, Бен Бернанке низ ба таври ҳамсон пешгӯӣ кардааст, ки суръати пасрафти шадиди иқтисодӣ дар Амрико камтар шудааст.
