Масеҳиёни саросари ҷаҳон имрӯз Иди Фусҳоро таҷлил карданд. Дар ин рӯз масеҳиёни эътиқоманд аз ранҷ кашидану марг ва эҳёи пайғамбар Исои Масеҳ ёдоварӣ мекунанд. Дар шаҳри Рум дар майдони Пётри Муқаддас, Попи Рум пешвои масеҳиёни ҷаҳон Иди Фусҳоро таҷлил кард ва паёми худ "Ба шаҳр ва ба ҷаҳон"-ро ироа намуд. Дар остонаи Иди Фусҳо Попи рум аз католикҳои ҷаҳон хост, бо пайравӣ аз фармудаҳои калисо аз “сардаргумиҳои ин аср” берун шаванд.
