Лион Панетта, раҳбари Сӣ Ай Эй, идораи марказии кашфи Амрико, гуфт, ин ниҳод аз истифодаи зиндонҳои махфӣ дар хориҷ даст мебардорад ва мехоҳад чунин зиндонҳоро битамом бубандад. Панетта ин хабарро тавассути почтаи дохилии электронӣ барои кормандони Сӣ Ай Эй нашр кард.
Раисиҷумҳури Амрико Барак Обама дар моҳи январ ба муҷарради нишастанаш ба курсии раёсат истифодаи шеваҳои шадиди бозпурсиро манъ кард ва ҷиҳати бастани боздоштгоҳҳои махфӣ дастур дод.
