Имрӯз дар Женеваи Швейтсария мулоқоти вазири умури хориҷии Амрико, Ҳилларӣ Клинтон, бо ҳамтои русаш Сергей Лавров баргузор хоҳад шуд. Интизор меравад, дар ин дидор эътидоли авзоъ дар Афғонистон, ҳамкориҳои Русия бо Эрон ва назорат ба таслиҳот аз мавзӯъҳои асосии нишаст хоҳанд буд. Клинтон гуфтааст, аз баҳс бо Маскав худдорӣ хоҳад кард, аммо бояд дар ҳамаи масъалаҳо роҳу фазои созандаи ҳамкорӣ сохта шавад.
