Интизор меравад, имрӯз Барак Обама - раиси ҷумҳури Амрико барномаи иқтисодии тақрибан 800 миллиардоллариеро имзо кунад, ки ҳадаф аз он ҷони тоза бахшидан ба иқтисоди карахтшудаи Амрикост. Ин барномаи давлатии пурхарҷ, ки дар таърихи Амрико бесобиқа аст, таъсис ва ҳифзи севуним миллион ҷойҳои кориро пешбинӣ мекунад. Тарҳи мазкурро ҳафтае пеш конгресии Иёлоти Муттаҳида тасвиб кард ва қарор аст, зери он Барак Обама дар шаҳри Денвер имзо гузорад.
