Пайвандҳои дастрасӣ

Интиқод аз паёми табрикотии Аҳмадинажод


Ҳукумати Британия пахши паёми телевизионии президенти Эрон Маҳмуди Аҳмадинажод бахшида ба иди Милоди Масеҳро маҳкум кард.

Вазорати корҳои хориҷии Британия мегӯяд, ин тасмими канали 4-уми кишварро зери фишори байналмилалӣ қарор медиҳад. Канали 4-уми телевизиони Британия паёми президенти Эрон Маҳмуди Аҳмадинажодро ба забони форсӣ пахш намуда, дар бахши поёни навор тарҷумаи англисии онро ҷой дода буд.

Раисҷумҳури Эрон бинандагонро бо фарорасии иди Милоди Масеҳ табрик намуда, гуфт, ки ҳазрати Масеҳ намунаи адолатхоҳӣ, меҳру муҳаббат ва мубориза бар зидди зулму истибдод аст: "Имрӯз агар ҳазрати Масеҳ буд, бидуни тардид парчами адолат ва ишқи инсонҳоро дар баробари ҷангталабону ишғолгарону террористҳову зӯргӯёни олам баланд мекард.... "

Созмонҳои яҳудии Британия ва сафири Исроил дар Лондон бо ишора ба хусумати Аҳмадинажод ба Исроил, поймолшавии ҳуқуқи башар дар Ҷумҳурии исломӣ ва айбномаҳои пуштибонии терроризм аз тарафи Эрон пахши паёми президенти Эронро мавриди интиқод қарор доданд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG