Пайвандҳои дастрасӣ

Хабари нав

Кашфи 2,5 тонна марихуана дар як мактаби Қандаҳор


Нирӯҳои эъитилоф ва Афғонистон зимни як амалиёти муштарак аз як мактаби матрук дар ҷануби ин кишвар 2,5 тонна маводи мухаддири навъи марихуананро кашф ва нобуд кардаанд. Мақомот мегӯянд, ин миқдори бузурги марихуана дар улусволии Арғистони вилояти Қандаҳор кашф шудааст. Ва рӯзи шанбе нирӯҳои эътилоф дар вилояти Зобул 5 ҷангии мусаллаҳро кушта ва 5 тани дигарро боздошт кардаанд. Нирӯҳои эътилоф мегӯянд, ҳадафи амалиёт дар Зобул як ҷангии толиб буд, ки ҳамчун “қочоқбари аслиҳа ва ҳамоҳангсози бамбгузориҳо” шинохта мешавад.
XS
SM
MD
LG