Ҳамлаи шаби ҷумъаи ҷангиёни толиб ба як мошине, ки барои нирӯҳои хориҷӣ дар Афғонистон маводи сӯхт мебурд, мунҷар ба ҳалокати 3 нафар шуд. Ин ҳамла дар ағбаи Хайбари Покистон, масири асосии таъмини нирӯҳои НАТО ва Амрико дар Афғонистон, сурат гирифтааст. Мақомоти маҳаллӣ мегӯянд, ду тан аз кушташудагон ронандагони мошин ва якеи дигар дастёри онҳо будааст. Рӯзи шанбе дар ҳамин минтақаи қабиланишин дар роҳи гузари як корвони дигари мошинҳои НАТО низ бамб таркида, вале кадом хисороти ҷониву фаннӣ дар пай надоштааст.
