Ҳарбиёни Иёлоти Муттаҳида дар Ироқ мегӯянд, ду сарбози амкрикоӣ имрӯз дар шимоли Бағдод ҳадафи тир қарор гирифта, кушта шудаанд. Хабаргузории Ассошиейтед Пресс ба нақл аз як афсари баландрутбаи Иёлоти Муттаҳида гуфтааст, тибқи бархе аз маълумот онҳоро касе парондааст, ки дар тан либоси ҳарбии артиши Ироқро дошт. Мақомоти расмии Ироқ мегӯянд, ҳодиса дар шаҳраки Боҷ, ғарби Мавсул, дар ҳоле ба амал омад, ки сарбозони амрикоӣ ба аҳолии маҳаллӣ кампал тақсим мекарданд.
