Чиҳилу се кӯдак дар Узбакистон, ки аксарияти онҳо навзод мебошанд, ба ангали HIV, ангезандаи бемории AIDS ё СПИД гирифтор шудаанд. Мақомоти Узбакистон ба пажӯҳиши ин ҳодиса сар кардаанд, аммо расман дар ин бора хабар дода намешавад. Ҳамчунин маълум нест, ки чӣ гуна вирус ба кӯдакон сироят кард, ҳарчанд тибқи хабарҳои дарёфтӣ, ҳамаи онҳо дар як бемористони вилояти Намангон бемор шудаанд. Қаблан аз чунин ҳодисаҳо дар Қазоқистон ва Қирғизистон хабар расида буд.
