Normal 0
Ҷон МакКейн, номзади ҳизби ҷумҳурихоҳи Амрико ба интихоботи раёсати он ҷумҳурӣ, натоиҷи назарсанҷиҳоеро, ки аз рақиби демократаш Барак Обама ақиб мондани ӯро намоиш медиҳанд, радд кард ва гуфт, ӯ интизор дорад, ки дар интихоботи рӯзи 4 ноябр ғалаба кунад.
Бар асоси назарсанҷиҳои охир, бартарии Обама бар МакКейн 7 дарсад ва бештар аз онро ташкил медиҳад. Аммо МакКейн рӯзи якшанбе гуфт, имконоти ӯву Обама барои пирӯзӣ дар интихобот ба ҳам хеле наздик аст.
